لاتكبر الشرهه على عشرت أيام
....................لاصار ماهي سنين ليه تعلم
لاصرت من عشرت كذا يوم منظام
....................وشلون لو عشرت سنين أتبلم ؟؟
لاكن مادام انك تعاني من آلام
....................تعال اخفف عنك لأجل إتعلم
وش قولك بشخصين عشره من أعوام
....................ولافيهم اللي من عشيره تظلم
على النقا ضلوا عزيزين وحشام
....................وكلن على الفزعات دايم مولم
لاقــال ذا قــدام ذا قــال قـدام
....................وقبل يتكلم خابر وش بيتكلم
حتى إبليس اللي على الشر مانام
....................لاقال أفرقهم يقول أتحلم
واللحين شفهم وتعرف كيف الإجرام
....................وتعرف كيف الشر بالروس علم
من قبل لاتقابلوا مثل الايتام
....................لاشفت ملقاهم لبعض أتألم
واليوم لو هي صدفه بماقف عام
....................مافيهم اللي شاف صاحبه سلم
....................مافيهم الي شاف صاحبه سلم
