الضيقه اللي ضيّقت صدري وانا مانـي بأضيـق

الضيقه اللي ضيّقت صدري وانا مانـي بأضيـق
كنّيتها من خـوف صـدري لايبيّـن ضيقهـا..



تدوي بصدري واتحملها .. وانا مانـي بأطيـق
لوّ كان صدري ساحةِ يصعب عليّ تطويقهـا..


هبيّ عليّ يانسمة الغربـي.. وعدينـي طويـق
ما الله عطاني نفس..ضيقات الصـدور تعيقهـا..


أنا طموحاتي ماتقارن فـ المحيط .. وفـ المضيـق
وعلى مجـرّات النجـوم.. يعزّنـي تحليقهـا..


أمـا نهّـد الصعـب ونحقـق لغايتنـا طريـق
والا بلاش إنتعّـب انفسنـا علـى تحقيقهـا..


والبارحه ليل التوّجد..له زفيـر ولـه شهيـق
قاد الجموع ولا عزم رايـه علـى تفريقهـا..


صدّيت!!والصدّه حطبها شبْ في صدري حريـق
من واقعٍ وقعـة بنفسـي رشـةٍ مااحيقهـا..


لاعاد عرفك ياشبيـه الظبيّ..يا أخـوه الشقيـق
ياوجد حال اللي حوالـه ماعـرف تنسيقهـا..


ضيّعتني ضيعة فصيحٍ زلْ.. واغـواه الصديـق
يبـي يوفقها..لكـن مالله قسـم توفيقـهـا؟؟


بيني وبينك لوّ يشّح الوصل..ويجـف الرحيـق
ماجف قلبي من شفق شمسك ومن تشريقهـا..


يليق تجتاح الخفوق الصعـب .. واللي مايليـق؟
تصديق مالا يستحـق لحضرتـك تصديقهـا..


وشلون املّك وانت في عيني عوين المستضيق
اللي عليه المعضـلات امـرّ مـن تعويقهـا..


كوّنت في صدري..منصّة حب..واعضاء..وفريق
جمهورها اشواق الخفوق..وجيّتك تصفيقهـا..


تسوقني لك هبّة النسنـاس يالغصـن الوريـق
واتوق لك يادرةٍ ما أرضـى علـى تسويقهـا..


ماعكّر الواقع..وخلّـى الحلـم فعيونـي يفيـق
الا تعـدّاي الظـروف اللـي مانـي بطيقهـا..


اللي بأقوله جعـل مـا للبعد..والفرقـا رفيـق
ولا لتقاليـد السلـوم اللـي علـيّ تطبيقهـا..


اللي حدت صدري على الضيقه وأنا ماني بأضيق
وكنيتها لو كـان صـدري مااا تحمّـل ضيقهـا..

راق لي